Çështje të Emigracionit: Avokati Kieran Both
Pyetje nga lexuesi:
Përshëndetje: Jam nga Shkodra, motra e bashkëshortit ka paraqitur dokumentat në emrin tonë për bashkim familjar në kategorinë F4. Ajo është nënshtetase amerikane dhe i ka dërguar dokumentat më 18 maj, 2010. Miratimi është bërë në tetor 2014, pas lindjes se djalit për të cilin gjithashtu janë paraqitur dokumenta. Sa kohë mund të duhet që të dalin letrat?
Anonime
Shkodër
Kategoria (F4): Vëllezërit dhe motrat e një nënshtetasi të rritur amerikan:
“Datat për Paraqitjen e Kërkesave”, që tregon se kur duhet të njoftohen aplikantët për vizë imigruese për të mbledhur dhe dorëzuar dokumentacionin e kërkuar në Qendrën Kombëtare të Vizave. F4 Data e prioritetit aktual është 1 qershor 2008. Data juaj e përparësisë është 18 maj 2010. Duhet të prisni rreth dy vjet të tjera për të filluar mbushjen e aplikimeve për vizë.
Ligji i imigracionit në SHBA lejon disa të huaj që janë familjarë të shtetasve amerikanë dhe të bëhen ligjërisht banorë të përhershëm (pra të marrin kartë jeshile) bazuar në marrëdhëniet specifike familjare. Si anëtar i familjes së një shtetasi amerikan, ju kualifikoheni si “vëllai ose motra e një shtetasi amerikan që është të paktën 21 vjeç”. Kjo e vendos rastin tuaj në kategorinë e preferencës së katërt (F4).
Përpunimi konsullor
Pasi bëheni përfituesi i një peticioni të miratuar emigranti dhe ju caktohet menjëherë një numër vize imigruese, ka dy mënyra për të aplikuar për statusin e ligjshëm të rezidentit të përhershëm (Kartë Jeshile/Green Card). Nëse jeni jashtë Shteteve të Bashkuara, mund të aplikoni në një konsullatë të Departamentit të Shtetit të SHBA (DOS) për një vizë imigrimi në mënyrë që të vini në Shtetet e Bashkuara dhe të pranoheni si rezident i përhershëm. Kjo rrugë quhet përpunimi konsullor.
Vizat imigruese për kategoritë e preferencave të emigrantëve të sponsorizuara nga familja janë të kufizuara numerikisht, kështu që ndodh që nuk janë menjëherë të disponueshme. Në përgjithësi, vizat preferenciale të sponsorizuara nga familja nuk jepen më shumë se 226,000 në vit. Ky kufi vjetor vizash mund të tejkalohet kur disa viza imigruese nga viti i mëparshëm fiskal nuk janë përdorur plotësisht. Kur kërkesa është më e lartë se oferta e vizave për një vit, kategori apo vend të caktuar, atëhere hapet një radhë për viza (lista e pritjes ose e mbetur). DASH përdor datën e përparësisë për të përcaktuar vendin e një emigranti në radhën e vizave. Ju mund ta gjeni datën tuaj të përparësisë në Formularin I-797, Njoftimi i Veprimit, për peticionin e paraqitur në emrin tuaj. Buletini i vizave ju lejon të kontrolloni vendin tuaj në radhën e vizave emigruese. Buletini i vizave tregon datën më të fundit kur numri i vizës është për viza të sponsorizuara nga familja.
Një vizë duhet të jetë e disponueshme përpara se të mund të ndërmerrni një nga hapat përfundimtarë në procesin e të bërit rezident i përhershëm. Buletini i DASH për vizat mund të gjendet këtu: https://travel.state.gov/content/travel/en/legal/visa-law0/visa-bulletin/2025/visa-bulletin-for-may-2025.html. Ne ju rekomandojmë që ta shënoni këtë faqe dhe ta kontrolloni herë pas here.
Qendra Kombëtare e Vizave (NVC) është përgjegjëse për mbledhjen e tarifave të aplikimit për vizë dhe dokumentacionin mbështetës. NVC do të njoftojë kërkuesin dhe ju (përfituesin) kur të merret peticioni për vizë dhe përsëri kur një numër vize imigrimi është gati të bëhet i disponueshëm. Ata do t’ju njoftojnë gjithashtu kur duhet të dorëzoni tarifat e përpunimit të vizave imigruese (zakonisht të referuara si “faturat e tarifave”) dhe dokumentacionin mbështetës.