Prishtinë, 23 mars 2023 – Ambasadori i Shteteve të Bashkuara të Amerikës në Kosovë, Jeff Hovenier, i është bashkuar stafit të ambasadës për iftarin e parë të këtij Ramazani.
Ambasadori Hovenier, në një postim në Twitter, ka thënë se Kosova dhe Amerika kanë si vlerë të përbashkët një vlerë të rëndësishme siç është ajo e lirive fetare.
“Kam nderin t’i bashkohem familjes së Ambasadës së Shteteve të Bashkuara në darkën e Iftarit me rastin e muajit të shenjtë të Ramazanit. Kosova mbetet kampione për Lirinë Fetare, njërës nga vlerat shumë të rëndësishme që ndajnë dy vendet tona, SHBA-të dhe Kosovën”, ka shkruar ai.
Honored to join the @USEmbPristina family for an #IftarDinner in observance of the holy month of Ramadan. Kosovo remains a champion of #ReligiousFreedom, one of many important values our two countries share. 🇺🇸🇽🇰 pic.twitter.com/soSZslIwBH
— Ambassador Jeff Hovenier (@USAmbKosovo) March 23, 2023
Dita e enjte ishte dita e parë e muajit të shenjtë të Ramazanit. Agjërimi është obligim i besimtarëve muslimanë gjatë këtij muaji, i cili konsiderohet si muaj i solidaritetit me të varfërit dhe fatkeqët.
Të mërkurën , autoritetet e Kosovës ua uruan Ramazanin besimtarëve muslimanë në Kosovë.
(r.m.)