Tiranë, 2 maj 2025 – Gjykata Administrative e Apelit në Tiranë njoftoi se Ilir Alimehmeti, kandidat i Partisë Demokratike/Aleanca për Shqipërinë Madhështore (PD-ASHM) në zgjedhjet parlamentasre të 11 majit, e ka paditur Komisioni Qendror të Zgjedhjeve (KQZ) në Kolegjin Zgjedhor.
Alimehmeti kërkon “rinumërimin dhe/ose rivlerësimi i votave në të gjitha KZAZ-të e Qarkut Tiranë” dhe “ndryshimin e rezultatit të tabelave përmbledhëse pas rinumërimit dhe/ose rivlerësimit të votave”.
Në rast se këto kërkesa nuk pranohen, Alimehmeti do t’i drejtohet Gjykatës Kushtetuese për “kontroll incidental” të nenit 124, paragrafi 1, të Kodit Zgjedhor të Shqipërisë.
Njoftimi i Gjykatës Administrative të Apelit Tiranë:
NJOFTIM PËR MEDIA
Në datën 03.06.2025, ora 10:00, në ambientet e Gjykatës Administrative të Apelit, në adresën: Rr.“Ismail Qemali”, Tiranë, do të hidhet shorti për përcaktimin e trupit gjykues të Kolegjit Zgjedhor Gjyqësor, për gjykimin e Ankimit Nr.10 Regjistri Themeltar Dt.02.06.2025 Regjistrimi, me:
ANKUES: Ilir Alimehmeti, kandidat nga lista shumëemërore e Partisë Demokratike/Aleanca për Shqipërinë Madhështore (PD-ASHM).
I PADITUR: Komisioni Qendror i Zgjedhjeve.
OBJEKTI: – Ndryshimin e vendimit nr.83 datë 30.05.2025 të Komisionit të Ankimeve dhe Sanksioneve1 “Për Mospranim për Shqyrtim të Kërkesës Ankimore Nr.52, datë 29.05.20252, të depozituar nga Z.Ilir Alimehmeti, kandidat për Deputet i Subjektit Zgjedhor Partia Demokratike- Aleanca për Shqipërinë Madhështore”;
– Ndryshimin e vendimit nr.1326 datë 24.05.2025 “Për miratimin e tabelës përmbledhëse për rezultatin e votimit në zonën zgjedhore Qarku Tiranë, për subjektet zgjedhore dhe kandidatët për deputetë, në zgjedhjet për Kuvend të datës 11 maj 2025”3;
– Rinumërimin dhe/ose rivlerësimi i votave në të gjitha KZAZ-të e Qarkut Tiranë;
– Ndryshimi i rezultatit të tabelave përmbledhëse pas rinumërimit dhe/ose rivlerësimit të votave;
– Si alternativë ndaj mospranimit të kërkesave të mësipërme, dërgimin për kontroll incidental pranë Gjykatës Kushtetuese të nenit 124, paragrafi 1, i Kodit Zgjedhor të Republikës së Shqipërisë, duke u bazuar në nenin 145 të Kushtetutës së Republikës së Shqipërisë.
BAZA LIGJORE: Nenet 124, 152, 153 të Kodit Zgjedhor të Republikës së Shqipërisë, Neni 145 i Kushtetutës së Republikës së Shqipërisë.
Tiranë, më 02.06.2025
Gjykata Administrative e Apelit Tiranë
(r.m.)