Prishtinë, 4 gusht 2023 – Misioni paqeruajtës në Kosovë, KFOR-i ka mirëpretur vendimin e institucioneve në Kosovë për të reduktuar praninë e Policisë së Kosovës pranë ndërtesave komunale në veri të Kosovës.
KFOR-i tha se ky është një hap i rëndësishëm drejt de-përshkallëzimit të situatës në veri, por bëri të ditur se vlerësimi i situatës së sigurisë në ndërtesat e komunave në veri e rreth tyre është bërë nga Policia e Kosovës dhe EULEX-I, pa miratimin e KFOR-it.
“KFOR-i mirëpret hapat për të ulur tensionet në Kosovë, duke përfshirë reduktimin e pranisë së Policisë së Kosovës pranë ndërtesave komunale. Për të sqaruar, vlerësimi i fundit i situatës së sigurisë në dhe rreth ndërtesave komunale është bërë nga PK & @EULEX Kosovo pa miratimin e KFOR-it”, thuhet në komunikatën e misionit të NATO-s në Kosovë.
#KFOR welcomes steps to reduce tensions in #Kosovo, including the Kosovo Police reducing presence near municipal buildings. To clarify, the recent assessment of the security situation in & around municipal buildings was made by the KP & @EULEXKosovo without KFOR’s endorsement. pic.twitter.com/F6e0uzqCLd
— NATO Kosovo Force – KFOR (@NATO_KFOR) August 4, 2023
(r.m.)