Në ambientet e bukura të sallës Nënë Tereza pranë Kishës Katolike “Zoja Pajtore” në Southfield, Michigan, u nënshkrua marrëveshja ndërmjet Komunitetit Shqiptar, të përfaqësuar nga grupi i punës (i përbërë nga përfaqësuesit e shoqatave “KOSOVA” dhe “JEHONA E MALSISË” me kompaninë më të madhe në botë për pije freskuese- “Coca Cola” si dhe me komapninë më të madhe të pijeve freskuese për shtetin e Michiganit,-“Leonards”.
Në emër të komunitetit shqiptar kontratën e nënshkroi kryetari i grupit të punës, z. Gjevalin Gegaj. Nga ana e kompanive të njohura nënshkruan z. Joshua Bennett për kompaninë “Coca Cola” dhe z. Lucas Iskar në emër të kompanisë “Leonards”.
Me këtë marrrëveshje përfitojnë pronarët e restoranteve, të cilët do të blejnë produktet nga këto kompani me çmimin më të ulët në treg, e të njëjtën kohë një përqindje nga çmimi në fjalë shkon në fondin e komunitetit me qëllim që të grumbullohen mjetet për ndërtimin e Qendrës Kulturore Shqiptare në Michigan.
Komuniteti Shqiptar në Michigan është i regjistruar si shoqatë jopërfituese.
Pjesëmarrësit në ceremoninë e nënshkrimit të kësaj kontrate vlerësuan se kjo marrëveshje është arritja më e madhe në historinë e komunitetit tonë, në Michigan.
(Burimi: Komuniteti Shqiptar në Michigan)
![](https://www.illyria.com/wp-content/uploads/2023/01/325439056_627675615793561_130211326681261052_n-640x480.jpg)
![](https://www.illyria.com/wp-content/uploads/2023/01/327476650_488104850183012_7110427707901008002_n-640x400.jpg)
![](https://www.illyria.com/wp-content/uploads/2023/01/327590740_582478839943314_8779056154447806171_n-640x480.jpg)
![](https://www.illyria.com/wp-content/uploads/2023/01/327544951_569802705066056_7047629990460740866_n-640x480.jpg)
![](https://www.illyria.com/wp-content/uploads/2023/01/327301333_964936041580425_994985959125423527_n-640x480.jpg)
![](https://www.illyria.com/wp-content/uploads/2023/01/327471348_705979914327805_1912593244121268378_n-640x480.jpg)
![](https://www.illyria.com/wp-content/uploads/2023/01/325483376_6260236577333354_3767409888527945774_n-640x480.jpg)