Uashington, 3 tetor 2023 – Kongresistja amerikane, Elissa Slotkin, ka reaguar kërkuar shtimin e forcave të KFOR-it në pjesën veriore të Kosovës. Ajo ka thënë se kështu i përcillet mesazh i fortë Serbisë që të tërheqë forcat e saj ushtarake nga zona në kufi me Kosovë,
Kongresistja republikane, në një shkrim në rrjetin social “X”, ka thënë se të gjithë ata që e kërcënojnë sigurinë e Kosovës duhet të mbahen përgjegjës dhe të nxirren para drejtësisë. Ajo ka theksuar se SHBA-ja dhe NATO-ja duhet të vazhdojnë të jenë mbrojtës të sovranitetit të Kosovës.
“Vendosja e forcave shtesë të NATO-s në Kosovë kishte për qëllim t’i dërgonte mesazh Serbisë – tërhiqni trupat tuaja nga kufiri i Kosovës. Provokimet e Serbisë i shqetësojnë qytetarët e Kosovës, veçanërisht për shqiptarët që kanë lidhje të forta me Miçiganin.
SHBA-ja dhe NATO-ja duhet të vazhdojnë të jenë mbrojtës të sovranitetit të Kosovës dhe të gjithë sulmuesit që kërcënojnë sigurinë e Kosovës t’i mbajnë përgjegjës e të nxirren para drejtësisë”, ka shkruar kongresistja Slotkin.
Sekretari amerikan i Shtetit, Antony Blinken, ia ka përcjellë presidentit serb Aleksandar Vuçiq personalisht mesazhin për tërheqjen e forcave ushtarake të Serbisë nga kufiri me Kosovën.
(r.m.)