Prishtinë, 14 prill 2024 – Kryeministri Albin Kurti e ka dënuar sulmin e Iranit ndaj Izraelit. Edhe ai ka thënë se ky sulm përbën rrezik të madh për destabilizim të mëtejmë të rajonit.
“Unë dënoj sulmin e fundit të Iranit ndaj Izraelit. Ky akt i paprecedentë përbën një rrezik të madh për destabilizimin e të gjithë rajonit. Tani bota duhet t’i japë përparësi përfundimit të armiqësive dhe nxitjes së paqes së qëndrueshme”, ka shkruar Kurti në platformën X.
I condemn Iran’s recent attack on Israel. This unprecedented act poses a severe risk of destabilizing the entire region. Now, more than ever, the world needs to prioritize ending hostilities and fostering lasting peace.
— Albin Kurti (@albinkurti) April 14, 2024
Izraeli tha se rreth 300 dronë dhe raketa u hodhën nga Irani, ndërsa disa të tjera edhe nga Iraku dhe Jemeni.
Forca e Mbrojtjes Kundërajrore e Izraelit tha se 99 për qind e tyre u rrëzuan përpara se të hynin në hapësirën ajrore izraelite.
(r.m.)