Prishtinë, 16 korrik 2023 – Kryeministri i Kosovës, Albin Kurti, e ka uruar ideatorin e logos së 15 vjetorit të Pavarësisë së Kosovës, Albian Gagica, të cilit i ështëndarë plaketa e argjendtë nga Instituti “Connecticut Art Directors Club” në SHBA.
Kurti ka shfaqur kënaqësinë që logoja e 15 vjetorit të pavarësisë së Kosovës është bërë e njohur në mbarë botën dhe i ka falënderar të gjithë artistët që e prezantojnë Kosovën kudo në botë.
“15-vjetori i Pavarësisë së Kosovës po bëhet global. Logoja fituese e konkursit tonë të dizajnit të qeverisë, nga Albian Gagica, tani ka marrë njohje ndërkombëtare nga Klubi prestigjioz i Drejtorëve të Artit CT. Faleminderit të gjithë artistëve tanë për përfaqësimin e Kosovës në botë”, ka shkruar Kurti në Twiitter.
The 15th anniversary of Kosova independence is going global. The winning logo of our Government design competition, by @albiangagica, has now received int'l recognition from the prestigious CT Art Directors Club. Thanks to all our artists for representing Kosova to the world. pic.twitter.com/jBurjItpUi
— Albin Kurti (@albinkurti) July 16, 2023
Autori i logos, Albian Gagica,në një postim në Facebook, e ka falënderuar CADC-në për vlerësimin e punës së tij.
“Faleminderit CADC për vlerësimin e punës sime. Plaketa e Argjendtë për brendimin e 15-vjetorit të Pavarësisë së Kosovës. Këtu është arti, dashuria dhe liria”, ka shkruar Gagica.
(r.m.)