Paris, 29 tetor 2025 – Kryeministri në detyrë i Kosovës, Albin Kurti, ishte mysafir i Presidentit të Francës, Emmanuel Macron, në Pallatin presidencial Élysée, në Paris.
Kurti, bashkë me bashkëshorten e tij, u pritën me nderime shtetërore nga Macron dhe bashkëshortja e tij në hyrje të Pallatit, ku u shtrua darka solemne për pjesëmarrësit e Forumit të Paqes.
“Mysafirë të Presidentit të Francës, Emmanuel Macron, në Pallatin ikonik presidencial Élysée, për darkën solemne të edicionit të 10-të të Forumit të Paqes në Paris”, ka shkruar Kurti në Facebook Kurti.
Darka solemne shënon hapjen e Forumit të Paqes, që mbledh liderë shtetesh, përfaqësues të organizatave globale dhe personalitete të rëndësishme ndërkombëtare për të diskutuar mbi paqen, sigurinë dhe bashkëpunimin ndërkombëtar.
Ky forum, i cili sivjet mbahet për herë të 10-të, ka objektiv forcimin e dialogut dhe bashkëpunimit mes vendeve përballë sfidave globale.
Gjatë qëndrimit në Paris, Kurti do të marrë pjesë në sesionet e forumit dhe do të zhvillojë takime bilaterale me liderë e përfaqësues të vendeve dhe organizatave pjesëmarrëse.
(r.m.)