Prishtinë, 4 maj 2023 – Kryeministri i Kosovës, Albin Kurti, shprehu ngushëllime për humbjen e jetëve në sulmin vdekjeprurës që ndodhi mëngjesin e 3 majit në një shkollë në kryeqytetin e Serbisë, Beograd. Ndërsa, të plagosurve u uroi shërim të shpejtë.
Në këtë sulm të armatosur që u krye nga një nxënës 13 vjeç, u vranë tetë fëmijë dhe një roje.
“Dëshiroj të shpreh ngushëllimet e mia më të thella për viktimat e të shtënave në shkollë, në Beograd, dhe për familjet e tyre… U uroj shërim sa më të shpejtë të lënduarve në këtë ngjarje tragjike”, shkroi Kurti në llogarinë e tij në Twitter.
I'd like to express my deepest condolences to the victims of the school shooting in Belgrade and to their families. I also wish a very speedy recovery to those injured in this tragic event.
— Albin Kurti (@albinkurti) May 4, 2023
Ndaj këtij sulmi ka reaguar edhe Presidentja e Kosovës, Vjosa Osmani. Ajo u ka shprehur ngushëllime të gjithë prindërive që i humbën fëmijët e tyre dhe u ka uruar shërim të shpejtë të gjithë të plagosurve.
Në sulmin e armatosur në shkollën “Vladislav Ribnikar” e cila ndodhet në qendër të Beogradit, u plagosën edhe gjashtë nxënës dhe një mësuese.
Pesë nga të lënduarit janë në gjendje të qëndrueshme shëndetësore, ndërsa gjendja e njërit prej fëmijëve të plagosur mbetet kritike.
Autori u arrestua në vendin e krimit.
(REL)