Mostar (Bosnjë e Hercegovinë), 16 prill 2024 – Emisari special i Bashkimit Evropian për dialogun Kosovԯ – Serbi, Miroslav Lajçak, është takuar me presidentin e Serbisë Aleksandar Vuçiq, në Mostar të Bosnje e Hercegovinës, të martën.
Diplomati sllovak, në një postim në rrjetet sociale, ka bërë të ditue se në takim është biseduar për procesin e dialogut dhe për takimin e ardhshëm të kryenegociatorëve të dy vendeve.
Lajçak ka thënë se gjatë takimit e ka theksuar nevojën për progres urgjent në procesin e zbatimit të Marrëveshjes për rrugën e normalizimit të marrëdhënieve midis Kosovës e Serbisë, të arritur në Bruksel.
“Në Mostar fola edhe me presidentin e Serbisë, Aleksandar Vuçiq, për hapat e ardhshëm në dialog dhe për takimin e ardhshëm të kryenegociatorëve, si edhe për zhvillimet rajonale. Theksova nevojën për progres urgjent në zbatimin e marrëveshjes për rrugën drejt normalizimit”, ka shkruar Lajçak në platformën X.
(r.m.)