Prishtinë, 6 mars 2026 – Lëvizja Vetëvendosje ka reaguar menjëherë pas njoftimit të Presidentes Vjosa Osmani se ka nxjerrë dekret për shpërndarjen e Kuvendit.
Këshilltari i kryeministrit Albin Kurti, Jeton Zulfaj, zyrtar i Lëvizja Vetëvendosje, i ka fajësuar partitë në opozitë për dështimin e procesit për zgjedhjen e presidentit të ri të vendit.
Zulfaj, në një postim në Facebook, ka thënë se Lëvizja Vetëvendosje e ka respektuar “në plotëni” Kushtetutën dhe Kosova, sipas tij, po humbet kohë për shkak të zjelles së opozitës.
“Vitin e kaluar na humbën kohë duke bojkotuar zgjedhjen e kryetarit të Kuvendit; tash duan të na humbin kohë sërish duke bojkotuar zgjedhjen e presidentit”, ka shkruar ai.
Postimi i plotë i Zulfajt:
Lëvizja VETËVENDOSJE! e respektoi Kushtetutën në plotni.
- Vendosi dy kandidatë që të ketë garë. PDK dhe LDK së bashku kanë 37 deputetë, por nuk sollën asnjë kandidat.
- Filloi seancën që të niste procedura brenda afatit.
- Bëri të gjitha veprimet kushtetuese për zgjedhjen e presidentit, deri te konstatimi i prezencës së deputetëve në sallë.
- Ndërpreu seancën për mungesë të deputetëve, për ta vazhduar kur ata të kthehen në sallë, siç e kanë obligim dhe detyrim kushtetues.
Vitin e kaluar na humbën kohë duke bojkotuar zgjedhjen e kryetarit të Kuvendit; tash duan të na humbin kohë sërish duke bojkotuar zgjedhjen e presidentit.
Por presidenti duhet të zgjedhet.
(r.m.)