Bruksel, 16 korrik 2022 – Liderët e Bashkimit Evropian kanë përshëndetur votimin e Kuvendit të Maqedonisë së Veriut për miratimin e propozimit francez që e zgjedh kontestin e këtij vendi me Bullgarinë. Ata kanë paralajmëruar se javën e ardhshme do të zhvillohen konferencat e para ndërqeveritare të BE-së me Maqedoninë e Veriut dhe me Shqipërinë, duke hapur formalisht negociatat e anëtarësimit.
“Urime Maqedonisë së Veriut për votimin i cili tash shtron rrugën për hapjen e shpejtë të negociatave të anëtarësimit. Ishte një rast historik dhe ju e shfrytëzuat atë. Një hap i madh drejt të ardhmes suaj, të ardhmes evropiane”, tha presidentja e Komisionit Evropian, Ursula von der Leyen.
🇲🇰 Congratulations to North Macedonia on the vote that now paves the way for opening the accession negotiations rapidly.
— Ursula von der Leyen (@vonderleyen) July 16, 2022
It was a historic opportunity.
And you seized it.
A big step on your path towards a European future. Your future.
Ngjashëm ka reaguar edhe presidenti i Këshillit Evropian, Charles Michel.
“E ardhmja jonë është e përbashkët dhe ne ju mirëpresim me duar të hapura”, shkroi ai në rrjetet sociale, duke shtuar se votimi i 16 korrikut ishte një hap i madh i Maqedonisë së Veriut drejt BE-së.
Kancelari gjerman, Olaf Scholz tha se e mirëpret “votimin e parlamentit maqedonas që u hap rrugën konferencave të para për anëtarësim në Bashkimin Evropian për Maqedoninë e Veriut dhe Shqipërinë”.
I welcome the vote of the Macedonian 🇲🇰parliament paving the way for the first accession conferences of the European Union 🇪🇺 with North Macedonia and Albania. We want you as members of the European Union and will be at your side all the way!
— Bundeskanzler Olaf Scholz (@Bundeskanzler) July 16, 2022
Negociatat për anëtarësim e Maqedonisë së Veriut dhe Shqipërisë në Bashkmin Evropian pritet të nisin në të njëjtën kohë.
Bullgaria, si shtet anëtar i BE-së, për më shumë se dy vjet kishte mbajtur në fuqi veton ndaj nisjes së negociatave të Shkupit me Brukselin, për shkak të mosmarrëveshjeve sa i përket gjuhës dhe historisë. Kjo e ka penguar edhe nisjen e negociatave me Shqipërinë, me që Bashkimi Evropian vlerësonte se të dy vendet e kanë plotësuar kriteret për nisjen e negociatave.
(r.m.)