Prishtinë, 12 janar 2023 – Maldivet dhe Eswatini nxjerrin në shesh gënjeshtrën e presidenti i Serbisë se nëntë shtete e kanë tërhequr njohjen e shtetit të Kosovës.
Kjo është bërë e ditur nga përfaqësuesit diplomatikë të këtyre dy vendeve.
Konsulli i Kosovës në Nju Jork, Blerim Reka, ka njoftuar se është takuar me Ambasadoren e Maldiveve në SHBA, njëherit Përfaqësuese e Përhershme e Maldiveve në OKB, Thilmeeza Hussain.
Reka, në një postim në Twitter, ka thënë se gjatë takimit me ambasadoren e Maldiveve janë rikonfirmuar marrëdhëniet e shkëlqyera mes Kosovës dhe Maldiveve, të vendosura në vitin 2009.
“Kënaqësi të takoja ambasadoren Thilmeeza, ambasadore e Maldiveve në SHBA dhe Përfaqësuese e Përhershme e Maldiveve në OKB. Rikonfirmuam marrëdhëniet e shkëlqyera dypalëshe, Kosovë – Maldive që nga viti 2009”, ka shkruar Reka.
Pleasure meeting with Ambassador @Thilmeeza, Ambassador of #Maldives to #USA and Permanent Representative of Maldives to #UN.
— Blerim Reka (@Blerim_Reka) January 12, 2023
Reconfirmed excellent bilateral relations: #Kosova – Maldives since 2009. pic.twitter.com/EmlU0mCtku
Ka dale blof edhe deklarata e Vuçiqit se shteti i estwatinit e ka tërhequr njohjen e Kosovës
Ambasadori i Kosovës në Mbretërinë e Bashkuar, Ilir Kapiti, ka njoftuar se është takuar me zonjën Thandazile P. Mbuyisa, komisionere e lartë e shtetit të Eswatinit në Londër.
Kapiti, në llogarinë e tij në Twitter, ka bërë të ditur se me zonjë Mbuyisa kanë diskutuar për forcim të marrëdhënieve mes Eswatinit dhe Kosovës.
“Sot bëra një vizitë te Komisionerja e Lartë znj. Thandazile P. Mbuyisa në Ambasadën e Mbretërisë së Eswatinit, në Londër. Ishte kënaqësi të trajtonim ngjarjet aktuale globale dhe ne mezi presim të forcojmë marrëdhëniet tona Eswatini-Kosovë duke eksploruar mundësitë ekonomike”, ka shkruar Kapiti.
Today I paid a visit to H.E. High Commissioner Ms Thandazile P. Mbuyisa at the Embassy of the Kingdom of Eswatini, in London.
— Ilir Kapiti (@IlirKapiti) January 12, 2023
It was a pleasure to tackle current global events and we are looking forward to strengthening our relations 🇸🇿&🇽🇰 by exploring economic opportunities. pic.twitter.com/awscJjsWJb
Pretendimet e Presidentit të Serbisë për tërheqjen e njohjeve të pavarësisë së Kosovës kanë dale blof edhe nga ambasadori i Guinesë Bisao në Portugali, Hélder Vaz Lopes, ambasadorja e Gabonit në Kanada, Engone Rosine Epouse Oliveira, dhe ambasadorja e Libisë në Bruksel.
Aleksandar Vuçiq, në konferencën vjetore për medie, ka thënë se nëntë shtete e kanë tërhequr njohjen e shtetit të Kosovës dhe së shpejti mund të pritet tërheqja e njohjes edhe nga një shtet tjetër.
(r.m.)