Tiranë, 19 shtator 2025 – Një ditë pas miratimit në Kuvend të programit të ri qeverisës për katër vitet e ardhshme dhe përbërjes së Këshillit të Ministrave, kryeministri Edi Rama dhe 16 ministrat e rinj dhanë duke betimin para Presidentit të vendit Bajram Begaj.
Kryeministri Edi Rama dhe ministrat e kabinetit të tijn qeveritar e bënë betimin mbi kushtetutë dhe morën dekretin nga presidenti Begaj.
Pas ceremonisë së betimit, ashtu siç e parashikon protokolli zyrtar, Kryeministri Rama dhe ministrat e kabinetit qeveritar bënë një foto familjare në shkallët e ndërtesës së qeverisë e pastaj shkuan në sallën e mbledhjeve të Qeverisë.
Betimi i anëtarëve të qeverisë së re vjen pas miratimit të ndryshimeve në përbërjen e Këshillit të Ministrave në seancën parlamentare të së enjtes. Kjo seancë u mbajt në atmosferë të tensionuar dhe me përplasje mes pozitës dhe opozitës, për shkak se kjo e fundit e konteston legjitimitetin e qeverisë së re dhe mazhorancës së dale nga zgjedhjet parlamentare që u përcollën me shumë kontestime e dyshime.
Ndryshimet në kabinetin qeveritar që u propozuan nga Kryeministri Rama u votuan nga shumica socialiste në Kuvend, mes polemikash mes pozitës e opozitës dhe protestave verbale nga të deputetѱve opozitarë.
Përbërja e qeverisë së re të Shqipërisë:
Edi Rama, Kryeministër
(Kryeministri ushtron edhe përgjegjësitë për ngritjen dhe funksionimin e Ministrit Virtual të Inteligjencës Artificiale “Diella”)
Belinda Balluku, Zëvendëskryeministër dhe ministër i Infrastrukturës dhe Energjisë
Albana Koçiu, ministër i Punëve të Brendshme
Elisa Spiropali, ministër për Evropën dhe Punët e Jashtme,
Petrit Malaj, ministër i Financave,
Blendi Gonxhja, ministër i Turizmit, Kulturës dhe Sportit,
Sofjan Jaupaj, ministër i Mjedisit,
Mirela Kumbaro Furxhi, ministër i Arsimit,
Evis Sala, ministër i Shëndetësisë dhe Mirëqenies Sociale,
Delina Ibrahimaj, ministër i Ekonomisë dhe Inovacionit,
Besfort Lamallari, ministër i Drejtësisë,
Pirro Vengu, ministër i Mbrojtjes,
Andis Salla, ministër i Bujqësisë dhe Zhvillimit Rural,
Ervin Demo, ministër i Shtetit për Pushtetin Vendor,
Majlinda Dhuka, ministër Shteti dhe Kryenegociator
Adea Pirdeni, ministër i Shtetit për Administratën Publike dhe A.ntikorrupsionin.
Toni Gogu, ministër i Shtetit për Marrëdhëniet me Parlamentin.
(r.m.)