Sarajevë, 12 shkurt 2024 – Tifozët e klubit futbollistik “Crvena Zvezda” në Beograd e shprehën publikisht krenarinë për aleancën e Serbisë me Rusinë, Të dielën, në stadiumin e këtij klubi, valvitën flamujt e Rusisë dhe brohoritën “Serbët dhe rusët – vëllezër përgjithmonë”.
Analisti boshnjak, Jasmin Mujanoviq, e ka cilësuar këtë manifestim si “shembull shkollor” të realitetit në Serbinë e Aleksandar Vuçiqit dhe ka shprehur habinë se si SHBA-ja dhe BE-ja ed shpërfillin këtë fakt.
“Përveç që tifozët e Cërvena Zvezdës, ‘Delije”, shprehin përsëri pikëpamjet e tyre ekstreme shoviniste, ky manifestim është shembull shkollor i realitetit të shoqërisë së sotme serbe nën Aleksandar Vuçiqin. Përpjekjet e SHBA-së dhe BE-së për të shpërfillur këtë fakt të thjeshtë janë plotësisht të pakuptueshme”, ka shkruar Mujanoviq në plaformën X, ku ka publikuar pamje nga manifestimi i tifozëve të “Cërvena Zvezdës” në stadium.
Aside from Red Star’s “Delije” fans again flaunting their extreme chauvinist views, this display is an instructive insight into the reality of contemporary Serbian society under Aleksandar Vucic. US/EU efforts to ignore this simple fact utterly pointless. pic.twitter.com/4XrnAVIOZM
— Jasmin Mujanović (@JasminMuj) February 12, 2024
Tifozët e “Cërvena Zvezdës” shpesh kanë shprehur urrejtje ndaj shqiptarëve. Pas sulmit terrorist të serbëve në Banjskë, më 24 shtator 2023, në stadiumin e këtij klubi janë nderuar si heronj tre pjesëtarët e grupit të armatosur që u vranë gjatë përleshjes së armatosur me policinë e Kosovës dhe u dëgjuan parulla e brohoritje raciste kundër shqiptarëve.
(r.m.)