Uashington, 8 maj 2024 – Ndihmëssekretari amerikan i Shtetit për Evropë dhe Euroazi, James O’Brien, i dërguari i SHBA-së për Ballkanin Perëndimor, Gabriel Escobar, dhe emisari i BE-së për dialogun Kosovë-Serbi, Miroslav Lajçak, janë takuar të mërkurën në Uashington, për të koordinuar strategjitë për avancimin e dialogut.
Z. O’Brien ka bërë të ditur se në këtë takim i kanë “koordinuar strategjitë” për të çuar përpara dialogun mes dy shteteve.
“Diskutime të rëndësishme me zëvendës-ndihmës sekretarin Gabriel Escobar dhe emisarin e BE-së, Miroslav Lajçak, sot. Koordinuam strategjitë për t’i çuar Kosovën dhe Serbinë përpara në dialogun e lehtësuar nga BE-ja. SHBA-ja fuqishëm mbështet dialogun si rrugë për marrëdhënie paqësore dhe produktive”, ka shkruar O’Brien në platformën X.
Important discussions with Deputy Assistant Secretary Gabriel Escobar and EUSR @MiroslavLajcak today. We coordinated strategies for moving Kosovo and Serbia forward in the EU-facilitated Dialogue. U.S. strongly supports the Dialogue as the path to peaceful, productive relations. pic.twitter.com/yWr6VrLjVs
— Assistant Secretary Jim O'Brien (@StateEUR) May 8, 2024
Edhe Lajçak ka shkruar se në takim është diskutuar rruga përpara në dialogun Kosovë-Serbi, si edhe për çështje të tjera rajonale në Ballkanin Perëndimor. Ai e ka cilësuar të shkëlqyeshëm bashkëpunimin mes Bashkimit Evropian dhe Shteteve të Bashkuara.
“Pata kënaqësinë të takoj Ndihmëssekretarin amerikan të Shtetit për Evropë dhe Euroazi, Jim O’Brien dhe Zëvendës-ndihmës Sekretarin Escobar sot në Uashington, për të diskutuar për rrugën përpara të Dialogut dhe për çështje të tjera rajonale në Ballkanin Perëndimor. Rikonfirmuam bashkëpunimin tonë të shkëlqyeshëm mes Bashkimit Evropian dhe Shteteve të Bashkuara”, ka shkruar Lajçak.
A pleasure to meet with @StateEUR Jim O’Brien and Deputy Assistant Secretary Escobar in Washington today to discuss the way ahead in the Dialogue and other regional issues in the Western Balkans. We reconfirmed our excellent 🇪🇺🇺🇸 cooperation. https://t.co/LIYfkYVkjn
— Miroslav Lajčák (@MiroslavLajcak) May 8, 2024
(r.m.)