Bruksel, 27 qershor 2023 – Presidentja e Komisionit Evropian, Ursula von der Leyen, ka biseduar të martën me telefon me kryeministrin e Kosovës, Albin Kurti.
Në një postim në Twitter, Vn der Leyen ka treguar se me këtë rast ka theksuar “nevojën urgjente” për deeskalim të situatës dhe për rikthimin e palëve në dialogun për normalizim të marrëdhënieve.
Ajo ka thënë se do të bisedojë më vonë gjatë ditës edhe me presidentin e Serbisë, Aleksandar Vuçiq.
“Sot në mëngjes fola me Kryeministrin Albin Kurti. Theksova nevojën urgjente për deeskalim dhe për kthim në dialogun për normalizimin e marrëdhënieve me Serbinë, të lehtësuar nga BE-ja.
Më vonë, sot, do të flas edhe me presidentin Vuçiq”, ka shkruar ajo.
Spoke to PM @albinkurti this morning.
— Ursula von der Leyen (@vonderleyen) June 27, 2023
I stressed urgent need for deescalation and return to EU facilitated dialogue on normalisation of relations with Serbia.
I will speak to President Vucic later today.
Ursula von der Leyen u bashkohet zyrtarëve të lartë ndërkombëtarë që po bëjnë përpjekje për stabilizimin e situatës në pjesën veriore të Kosovës.
Të hënë në mbrëmje me kryeministrin e Kosovës dhe me Presidentin e Serbisë ka biseduar edhe Sekretari amerikan i Shtetit, Antony Blinken. Në të dy bisedat ai e ka deklaruar mbështetjen e plotë të SHBA-ve për planin trepikësh të BE-së për uljen e tensioneve midis Kosovës e Serbisë
(r.m.)