Antalia, 2 mars 2024 – Presidentja e Kosovës, Vjosa Osmani, pas përfundimit të punimeve të Forumit Diplomatik të Antalias, është takuar me Presidentin e Turqisë, Recep Tayyip Erdogan.
Në një postim në Facebook, Presidentja Osmani e ka falënderuar presidentin turk “për miqësinë, për përkushtimin dhe për mbështetjen për Kosovën”.
Ajo ka thënë se me presidentin Erdogan ka bisedeuar për thellimin e marrëdhënieve midis Kosovës e Turqisë dhe për forcimin e lidhjeve midis dy vendeve.
“Faleminderit, President Erdoğan!
Për miqësinë, për përkushtimin dhe për mbështetjen për Kosovën!
Kënaqësi ta rikonfirmojmë punën tonë të përbashkët për thellimin e raporteve bilaterale dhe fuqizimin e lidhjeve ndërmjet vendeve dhe qytetarëve tanë!”, ka shkruar ajo,
Në fjalimin e saj në Forumin Diplomatik të Antalias Presidentja Osmani, ndër të tjera, ka tërhequr vërejtjen për ndikimin e Rusisë në Ballkanin Perëndimor përmes satelitit të saj në rajon, Serbisë.
(r.m.)