Prishtinë, 16 shkurt 2024 – Ambasadorët e shteteve të QUINT-it në Kosovë u distancuan nga kritikat e zëvendëskryeministrit të Kosovës, Besnik Bislimi, lidhur me takimin e të dërguarit të posaçëm të BE-së për dialogun ndërmjet Kosovës dhe Serbisë, Miroslav Lajçak, me një grup përfaqësuesish të shoqërisë civile serbe në Kosovë.
Ambasadorët e QUINT-it thanë se serbët me të cilët është takuar Lajçaku janë “partnerë të besueshëm”.
“Ambasadorët e QUINT-it [SHBA-ja, Britania e Madhe, Gjermania, Franca, Italia] dhe BE-së vlerësojnë mundësinë për t’u takuar sot me zëvendësin e Avokatit të Popullit dhe përfaqësuesit e komunitetit serb të Kosovës – të cilët janë partnerë të besueshëm në përpjekjet tona të përbashkëta për përmirësimin e të drejtave të njeriut dhe marrëdhënieve ndëretnike për Kosovën”, ka shkruar ambasadori i Gjermanisë në Kosovë, Jorn Rohde, në rrjetin social X.
Quint and EU Ambassadors appreciated the opportunity to meet today with the Deputy Ombudsperson and representatives of the Kosovo Serb community – all of whom are trusted partners in our shared efforts to advance human rights and interethnic relations in Kosovo. pic.twitter.com/HtPfD9KBxx
— Ambassador Jörn Rohde (@GermanAmbKOS) February 16, 2024
Grupi i serbëve u takuan me Lajçakun më 13 shkurt, në Bruksel. Në takim morën pjesë: zëvendësi i Avokatit të Popullit në Kosovë, Sërgjan Sentiq, Jovana Radosavljeviq dhe Miodrag Miliçeviq nga organizatat joqeveritare Iniciativa e Re Sociale dhe Aktiv, drejtori i RTV-së Kim, Isak Vorguçiq dhe Dragisha Mijaciqin nga grupi punues i Beogradit i Konventës Kombëtare për Bashkimin Evropian,
“Gjithmonë ndihmon kur dëgjohen zëra nga terreni”, shkroi Lajçak në një postim në rrjetin social X pas atij takimi.
Zëvendëskryeministri i Kosovës, Besnik Bislimi, tha se në takimin me Lajçakun ishte “një delegacion i përbërë kryesisht nga organizata joqeveritare serbe nga Kosova, të cilat në mënyrë aktive dhe hapur avokojnë kundër integrimit të qytetarëve serbë në sektorin ekonomik dhe në jetën sociale të Kosovës”.
1/3 EUSR Lajcak posted from a meeting held with NCEU, hours before reporting to PSC on the normalization dialogue between Kosova and Serbia, but decided not to mention that it is about NCEU in Serbia.https://t.co/PArrbcpyQ7
— Besnik Bislimi (@BislimiBesnik) February 14, 2024
Më 8 shkurt, sektori civil serb ka kërkuar që Qeveria e Kosovës të ndalojë veprimet që e pengojnë punën e institucioneve serbe në Kosovë dhe të gjendet një zgjidhje për këto struktura, përmes formimit të Asociacionit të Komunave me shumicë serbe në Kosovë.
(r.m.)