Trois Cités de Poitiers, 5 janar 2023 – Autoritetet franceze kanë vendosur ta dëbojnë nga Franca shqiptarin Roland Aliu që një vit më parë hyri mes flakëve për të shpëtuar një fëmijë 8-vjeç, në Trois Cités de Poitiers.
Vendimi për dëbimin e Rolandit i ka prekur prindërit dhe vëllain e fëmijës që shpëtoi, si edhe komunitetin e Trois Cités de Poitiers.
Media franceze “La nouvelle Republique.fr” raporton se shumë banorë të zonës e kanë cilësuar si të padrejtë këtë veprim të qeverisë franceze dhe kanë paralajmëruar një protestë që do të mbahet më 7 janar.
“Medalisti i artë i shpëtimtarëve vjenezë më 14 korrik 2022, Rolandi, sapo e ka marrë refuzimin e lejes së qëndrimit me OQTF.
Thirrje për një tubim mbështetës të shtunën, më 7 janar, në orën 14:00 përpara prefekturës Poitiers”, thuhet në thirrjen për protestë.
Médaillé d'or des sauveteurs de la Vienne le 14 juillet 2022, Roland vient de recevoir un refus de titre de séjour assorti d'une OQTF.
— LDH Poitiers (@PoitiersLdh) January 3, 2023
Appel à un rassemblement de soutien le samedi 7 janvier à 14h devant la préfecture de Poitiers.https://t.co/ulrvp8g1ka
Më 3 shkurt të vitit të kaluar, i riu shqiptar u cilësua si hero në rrjetet sociale dhe në mediet franceze për shkak se ai e rrezikoi jetën e tij për të shëtuar nga zjarri jetën e një fëmije.
Roland Aliu shpresonte se do t’i jepej leje qëndrimi në Francë, për të cilën kishte nisur procedurat. Por, më 9 dhjetor, nga autoritetet franceze u njoftua se ai dhe familja e tij kanë një muaj afat për t’u larguar nga territori francez.
Në korrik të vitit të kaluar, ai u nderua me medalje të artë nga ekipet e shpëtimit. Por, sipas vendimit të prefekturës, akti i trimërisë së shqiptarit nuk është të vërtetohet nga shërbimet e urgjencës dhe nga policia që ishin mobilizuar mbrëmjen që kishte shpërthyer zjarri.
(r.m.)