Prishtinë, 26 shtator 2025 – Një sondazh i Institutit Ndërkombëtar Republikan (IRI) ka treguar se qytetarët e Kosovës i konsiderojnë Shtetet e Bashkuara të Amerikës si aleatin më të rëndësishëm të vendit. Më se 77 për qind e të anketuarve nga IRI kanë thënë se SHBA-ja është aleati kryesor i Kosovës.
Sondazhi është realizuar gjatë muajve maj – qershor 2025, me një mostër prej 1,164 të rriturish. 94 për qind e të anketuarve ishin shqiptarë, ndërsa 6 për qind ishin serbë.
Sondazhi përfshin përgjigjet e qytetarëve në pyetjen se cilin shtet e konsiderojnë aleatin më të rëndësishëm të Kosovës, si edhe në pyetjen se cilin shtet e konsiderojnë si kërcënimin më të madh të Kosovës.
Cilat janë shtetet që nga qytetarët e Kosovës konsiderohen si aleti më i madh i Kosovës?
Shtetet e Bashkuara të Amerikës (SHBA) – 77%
Shqipëria – 6%
Gjermania – 6%
Turqia – 3%
Britania e Madhe – 2%
Bashkimi Evropian (BE) – 1%
Asnjë – 2%
Nuk e di / Refuzoi të përgjigjet – 1%
Cilat janë shtetet që nga qytetarët e Kosovës konsiderohen si kërcënimi më i madh i Kosovës?
Serbia – 76%
Rusia – 16%
Bashkimi Evropian (BE) – 1%
Shtetet e Bashkuara të Amerikës (SHBA) – 1%
Shqipëria – 1%
Asnjë – 1%
Të gjithë – më pak se 1%
Nuk e di / Refuzoi të përgjigjet – 2%.
