Madrid, 15 mars 2022 – Autoritetet spanjole e kanë sekuestruar në portin e Barcelonës jahtin “Valerie”, me vlerë 140 milionë dollarë, që besohet se i përket njërit prej oligarkëve kryesorë të Rusisë.
Lajmi u komunikua nga kryeministri spanjol, Pedro Sanchez, të hënën, në një intervistë televizive. Por, ai nuk e tregoi emrin e oligarkut.
Sanchez tha se Spanja do të kontaktojë shërbimet e inteligjencës dhe departamentet ekonomike të vendeve aleate në Bashkimin Evropian dhe gjetkë në përpjekje për të përcaktuar pronarin e jahtit.
Esta noche estaré con Antonio García Ferreras para analizar, entre otros asuntos, el conflicto que vivimos en Ucrania y las consecuencias que este tendrá en Europa y España.
— Pedro Sánchez (@sanchezcastejon) March 14, 2022
Podéis seguir la entrevista en @laSextaTV, a partir de las 21:30 horas, aquí: https://t.co/J7txrISTIV pic.twitter.com/8BFjf9cW8H
Ministria e Transportit e Spanjës tha se autoritetet spanjole do të përcaktojnë nëse jahti i sekuestruar është në pronësi të ndonjërit prej personeve apo kompanive të sanksionuara nga Bashkimi Europian për shkak të pushtimit të Ukrainës nga Rusia.
(Euronews)