Bruksel, 22 nëntor 2022 – Gazetari për çështje evropiane dhe të NATO-s, Stephan Israel, e ka bërë prejardhjen e shefit të politikës së jashtme të BE-së, Josep Borrell, shkaktare të dështimit të dialogut Kosovë – Serbi.
Në një shkrim në Twitter, Israel ka shkruar se dialogu po dështon pikërkisht për shkak të Borrellit, i cili vjen nga Spanja, e cila është njëra ndër pesë shtetet e BE-së që nuk e kanë njohur shtetin e Kosovës.
“Dështimi i dialogut ndërmjet Prishtinës dhe Beogradit është dështim për shkak të shefit të politikës së jashtme të BE-së, Josep Borrell. Vendlindja e Borrell është njëra nga ato shtete që nuk e ka njohur pavarësinë e Kosovës, ashtu sikur edhe Serbia. Pra, BE-ja ka dështuar në rolin e saj si ndërmjetës neutral”, ka shkruar Israel.
The failure of the dialogue between Belgrade and Pristina is a failure on the part of @JosepBorrellF, whose home country is one of those that Kosovo, like Serbia, has still not recognized. The EU has failed in its role as a neutral mediator…https://t.co/mcfSOmZBeX
— Stephan Israel (@StephanIsrael) November 21, 2022
Joseph Borrell u kritikua në Kosovë se të hënën nuk mbajti qëndrim asnjanës në takimin Kurti – Vuçiq në Bruksel.
Borrell tha se BE-ja ua ka dhënë palëve një propozim për ta shmangur përshkallëzimin e situatës në veri të Kosovës. Sipas tij, Vuçiqi e ka pranuar këtë propozim, por Kurti e ka refuzuar.
“Do t’i informoj shtetet anëtare [të BE-së] dhe partnerët për sjelljen e palëve dhe për mosrespektimin e detyrimit ligjor ndërkombëtar”, tha ai.
“Kjo vlen veçanërisht për Kosovën”, theksoi Borell.
(r.m.)