Uashington, 17 qershor 2025 – Presidenti i SHBA-së, Donald Trump, i ka paralajmëruar banorët e kryeqytetit iranian, Teheran, të evakuohen menjëherë, duke lënë të kuptohet një bombardim të mundshëm të madh izraelit, ndërsa konflikti midis dy vendeve intensifikohet.
Trump përsëriti përsëri se ky konflikt nuk do të kishte shpërthyer nëse Irani do të kishte nënshkruar një marrëveshje bërthamore, duke deklaruar se pamundësia e tyre për ta bërë këtë ka çuar në humbjen e jetëve njerëzore, përcjell Telegrafi.
“Irani duhet ta kishte nënshkruar ‘marrëveshjen’ që u thashë të nënshkruanin. Çfarë turpi dhe humbjeje jete njerëzore”, tha Trump në një postim në platformën e tij të mediave sociale, Truth Social.
https://truthsocial.com/@realDonaldTrump/posts/114695407357588413
“Thënë thjesht, IRANI NUK MUND TË KETË NJË ARMË BËRTHAMORE. E thashë vazhdimisht! Të gjithë duhet të evakuohen menjëherë nga Teherani!”, shtoi Trump.
Izraeli të hënën paralajmëroi rreth 300,000 njerëz në Teheran të evakuohen përpara sulmeve ajrore.