Bruksel, 1 nëntor 2023 – Raportuesja për Kosovën në Parlamentin Evropian, Viola von Cramon ka komentuar vizitën e fundit të Presidentes së Komisionit Evropian, Ursula von Der Leyen, në Kosovë dhe në Serbi.
Von Cramon, në një postim në “X”, e ka mirëpritur qartësimin që ka bërë zonja von der Leyen mbi marrëdhëniet Kosovë-Serbi. Por, ajo ka theksuar se do të ishte mirë që të njëjtën qartësi ta kishte shprehur edhe për mangësitë e Serbisë në sundim të ligjit, lirinë e medies dhe demokracisë.
“Unë e mirëpres qartësinë nga Von Der Leyen mbi marrëdhëniet Serbi – Kosovë.
Megjithatë, do të ishte mirë që e njëjta qartësi të ishte për mangësitë e Serbisë në sundimin e ligjit, lirinë e medias dhe demokracinë.
Thuani gjërat me emrat e tyre të vërtetë – na duhet një Serbi demokratike, jo qetësim i mëtejshëm i Vuçiqit”, ka shkruar Von Cramon.
I welcome the clarity from @vonderleyen on 🇷🇸 relations with 🇽🇰.
— Viola von Cramon 🇺🇦🇪🇺🇮🇱 (@ViolavonCramon) November 1, 2023
Yet, would be good that the same clarity was re: 🇷🇸’s shortcomings in RoL, media freedom and democracy.
Call a spade a spade – we need democratic Serbia, not further appeasement of Vučić.https://t.co/IvVU0m15wG
(r.m.)