Bruksel, 17 prill 2024 – Eurodeputetja Viola von Cramon i ka bërë thirrje Serbisë që t’i lirojë menjëherë shtetasit e Kosovës të ndaluar në pikëkalimet kufitare të Serbisë.
“Serbia duhet të ndalë së turpëruari veten dhe menjëherë t’i lirojë mbajtësit e pasaportave dhe letërnjoftimeve të Kosovës që të kalojnë kufirin Serbi-Kroaci në Batrovci. Liria e lëvizjes duhet të sigurohet për të gjithë, pa diskriminim në baza kombësie”, ka shkruar ajo në Twitter.
Serbia should stop embarrassing itself and immediately let Kosovo 🇽🇰 ID/passport holders pass the Batrovci 🇷🇸 – 🇭🇷 border!
— Viola von Cramon 🇺🇦🇪🇺🇮🇱 (@ViolavonCramon) April 17, 2024
Freedom of movement of all must be ensured, with no discrimination based on nationality. https://t.co/Fd4CJei7Xn
Qindra kosovarë janë bllokuar nga autoritetet serbe në zonat neutrale të pikëkalimeve kufitare të Serbisë me Kroacinë dhe me Hungarinë, të cilët do të kalonin nëpër Serbi. Atyre u janë marrë dokumentet e identifikimit dhe janë lënë në zonat neutrale prej mbrëmë, para mesnatës.
Udhëtarëve të bllokuar nuk u është dhënë asnjë shpjegim, ndërsa pronari i një kompanie transportuese të udhëtarëve ka thënë se autoritetet kufitare i kanë thënë se kjo po bëhet “me urdhër nga lart”.
(r.m.)